Адам – ғалам ғажайып
БӘРІ ДЕ МАХАББАТТАН БАСТАЛАДЫ

«Өзін-өзі тану» пәні арқылы оқушы бойына мейірім мен махаббат, адамгершіліктің, әділдіктің дәнін себуге болады. Ең бастысы, қазіргі кезде өз мәнін жоғалта бастаған дербестікке, адамгершілік-рухани этикаға үйретеді.
Бұл пән жобасының авторы, еліміздің бірінші ханымы Сара Алпысқызы атап өткендей, әр баланың қабілетін ашу, өзіне жол табуы, күш-жігеріне сенуі, өмірдегі орнын анықтауы үшін өте маңызды!

Осы мақсатта №4 орта мектебі директорының оқу-тәрбие ісінің орынбасары Идрышева Фарзана Борисқызының ұйымдастыруымен «Мейірімділік жолымен» атты апталықтың іс-шарасы аталып өтті.

Бұл іс-шара «Мейірімділік жолымен» атты пән мұғалімдерінің ашық сабағымен басталып, «Махаббаттан нәр алған жүректер» тақырыбында кітапханашы С.Байболатованың кітап көрмесі, 8-11 сыныптарда «Махаббат – өмір өзегі» дебат сабағы Г. Күнтөреева, Г. Қарабасова, М.Мамаева, М. Нұржақыповалардың ұйымдастыруымен өтті. Бастауыш сыныптарда мәнерлеп оқу сайысы «Адамның жан сұлулығы» М.Бейсенбаева, Н.Сеитхановалардың ұйымдастыруымен М.Иманғалиеваның оқушы шығармашылығы «Қазақстан балаларының мамасы» атты сурет көрмесі өтті. Әрдайым жақсылықтың жаршысындай, қиын жандарға қол ұшын беруге дайын ұстаздар қауымы бұл ретте де қарап қалмай, өз қаржыларына «Жүректен-жүрекке» атты Ж. Дүйсебекованың ұйымдастырған акциясы шәкірттерін шаттыққа бөледі.

Іс-шараны Н.Сеитханова, Д. Ихсанова, Г.Жұмағұлова, Ж.Кекебаеваның ұйымдастыруымен концерттік бағдарламасы мектеп директоры Сауықбаева Сәулет Байұзаққызы құттықтап, «Мейірімділік жолымен басталған, игі жақсы істеріңіз әрқашанда жүректен-жүрекке жетсін!» – деген тілегімен аяқталған кеш мазмұнды да, тартымдылығымен қонақтардың көңілінен шықты.
Халқымыздың тағдыры жас ұрпақтың қолында. Оларды жігерлендіру, махаббат нәрімен сусындату аяулы ұстаздар еншісінде.