Жолдауға – қолдау
Тіл тағдыры –
ел тағдырымен сабақтас

Тіл тағдыры – ел тағдырымен сабақтас. Оны Елбасымыз Н.Назарбаев: «Тіл мәртебесі ұлтгың ұлылығын, халықтың тарихтағы орнын белгілейді. Сондықтан әр жас мемлекет тілінің тәуелсіздігін күн тәртібіне қояды», – деп еліміз үшін мемлекеттік тіл мәселесінің аса маңыздылығын атап көрсеткен болатын.
Елбасының бұл талабы ең алдымен мемлекеттік тілді оқытуды ұйымдастыру, оның оқыту тәсілдері мен әдістемелерін қазіргі заманға сәйкестендіру жұмыстарын барынша жетілдіре беру міндеттеріне саяды.

Мемлекеттік тілімізді қазақстандықтардың ортақ игілігі, баянды бірлікті сақтаудың пәрменді тетігі ретінде құрметтеп, жетік меңгеру, сондай-ақ, түрлі салаларда оның қолданыс аясын кеңейтуге барынша атсалысу – баршамыздың міндетіміз.

Қазіргі кезде мемлекеттік тілді үйренемін дейтін мемлекеттік қызметкерлер мен облыстан қаржыландырылатын мекеме қызметкерлеріне біздің оқу курсымыз тегін.

Аудан орталығындағы Өтеген батыр кентінде орналасқан Іле аудандық ішкі саясат, мәдениет және тілдерді. дамыту бөлімі мемлекеттік мекемесінің «Мемлекеттік тілді оқыту орталығы» мемлекеттік коммуналдық қазыналық кәсіпорны аудан әкімдігінің 2007 жылғы 25 қаңтардағы №1-221 қаулысымен ашылды.

Бүгінгі күні орталық мультимедиялық кабинетпен, оқулықтармен, әдістемелік және анықтамалық әдебиеттермен, қазіргі заман талабына сай 11 компьютермен, жаңаша оқыту құралдары және бағдарламалармен толық қамтамасыз. етілген.
Орталықта бір мезгілде 10 тыңдаушының оқып, білім алуына толық мүмкіндіктер жасалған.

Мемлекеттік тілді оқыту орталығының негізгі мақсаты қазақ тілін мемлекеттік тіл және іс жүргізу тілі ретінде мемлекеттік басқару органдарында, бюджеттік мекемелер мен аудандағы ірі кәсіпорындардың қызметкерлеріне, қоғамдық ұйымдарға кеңінен енгізіп, кез-келген салада терең қолданылуын меңгерту, мемлекеттік тілде іс-қағаздарын жүргізуді оқытып, үйрету болып табылады.

Оқу үш деңгейде жүргізіледі:

• Бастауыш деңгей – бұл деңгейде тыңдаушы күнделікті өмірдегі ауызекі тілде сөйлесу сұрақ-жауап, аты-жөні, мамандығы, жұмыс орны, отбасы туралы айта білуді, қазақ дыбыстарын дұрыс айта білуді, қысқа нұсқаларды жазуды үйренеді.
• Жалғастырушы деңгей – бұл деңгейде тыңдаушылар мемлекеттік тілде күнделікті іскерлік тақырыптарды, мәтіндерді құрастыра білуді, іскерлік диалогтарды түсінуді, қарапайым іскерлік қағаздарды жазып үйренеді.
• Дамытушы деңгей – бұл деңгей жекелеген тыңдаушылардың талап-тілектеріне орай ұйымдастырылады. Онда қызметтік құжаттарды жүргізе алмайтын тыңдаушыларға қазақ тілінің грамматикасы, тіл нормалары, түрлі терминдерді қолдануға үйретеді.

Қазіргі кезде орталықта аудандық салық басқармасы, аурухана, халыққа қызмет көрсету орталығы, аудандық сот қызметкерлері мен №7 орта мектеп пен №38 мектеп-гимназияның мұғалімдері мемлекеттік тілді меңгеруде.
Былтырғы жылы 4 топтағы 95 тыңдаушы бастауыш, аралық, дамытушы топтарды бітіргендігі жөнінде 20 сертификат, 56 куәлік алды. Оқу барысында аудандық халыққа қызмет көрсету орталығы мен №38 мектеп-гимназиясының қызметкерлері сабаққа жақсы қатысып, мемлекеттік тілге. үлкен құрметпен қарап, курсты аяқтау емтихандарын жақсы тапсырғандары үшін аталған мекеме басшылары: Маман Арман Құрманғалиұлы мен Шоманова Роза Бақтыгерейқызына алғысымызды білдіреміз.

Алдағы уақытта тілдерді қолдану мен дамытудың 2011-2020 жылдарға арналған мемлекеттік бағдарламасының жобасына сәйкес, бағдарламаны іске асыру үш кезеңде жүзеге асырылатын болады.

Бірінші кезеңде (2011-2013 жылдар) тілдерді одан әрі қолдану мен дамытудың нормативтік-қүқықтық және әдіснамалық базасын жетілдіруге бағытталған іс-шаралар кешенін өткізу болжанады.

Екінші кезең шеңберінде (2014-2016 жылдар) мемлекеттіқ тілді оқып-үйрену және қолдану саласында, сондай-ақ тілдік әр алуандықты сақтауда жаңа технологиялар мен тәсілдерді енгізу бойынша практикалық іс-шаралар кешенін іске асыру көзделген.

Бағдарламаның үшінші кезеңінде (2017-2020 жылдар) басқа тілдердің қолданылуын одан әрі сақтай отырып, қоғам өмірінің барлық саласындағы мемлекеттік тілге деген сұраныс дәрежесіне, оның тиісінше қолданылу сапасына және меңгерілу деңгейіне жүйелі мониторинг жүргізу көзделген.
Өздеріңіз куә болып отырған мемлекеттік бағдарламаның жүзеге асырылуына аудан болып үлес қоссақ, нұр үстіне нұр болар еді. Ол үшін казірден бастап мемлекеттік тілді терең меңгеруге талпыныс жасаған жөн болар еді деп есептеймін.

Мемлекеттік тілді өз тілім деп қабылдап, оны меңгеруге ниеті бар Қазақстан азаматтарын төмендегі телефондарға хабарласуға шақырамыз: 2-21-38,2-32-64.