ІРІ САБАҚТЫ ЖЕМ-ШӨПТІ САҚТАУ

Өрт – адамдардың денсаулығына, өміріне зиян, заттай залал келтіретін, ешқандай бақылауға келмейті қауіп-қатер, апат.
Жазда шала кептірілген немесе ылғалданған шөп микробиологиялық жолмен өзінен-өзі өртенеді, ал күшті қышқылдатқышпен қосылса химиялық жолмен жанады.

Ірі сабақты жем-шөпті сақтауда рұқсат етілмейтін жағдайлар: өрттен сақтану шараларына сәйкес келмейтін жерлерде, электросымдар өтетін жолдың астында, үйлердің жанында, қосалқы шаруашылық құрылыстардың үстінде шөпті сақтауға болмайды.

Сондықтан Іле ауданының ТЖБ қызметкерлері ірі сабақты жем-шөпті сақтау кезінде өрттен сақтану ережелерін ерекше қырағылықпен орындауларыңызды ескертеді. Өшірілмей тастаған от, сіріңке, темекінің қалдығы немесе балалардың отпен ойыны өкінішті, қауіпті апатқа апарып соғады.

Өрт санаулы уақыттың ішінде, әсіресе желді күні, жақын тұрған үйлерге ауып кетеді, сондықтан шөпті шатырдың үстінде, үйлерге, шаруашылық құрылыстарға жақын жерде сақтауға болмайды. Шөп дайындау жұмысындағы тракторлар мен машиналар ұшқын сөндіргіштермен жабдықталады. Сондықтан өртенуден сақтау мақсатында тракторлар үйме шөптерге 3 метр жақын жерде тұрмауы керек. Шөпті заводта жасалған қондырғылар арқылы кептіреді.

Отпен жұмыс істегенде ойланбай, жеңілдікпен жауапсыз қарауға жол бермеңіздер!

Жем сақтауға астықты сақтағандай қараңыз!
Естеріңізде болсын! Өртті көрген жеріңізде «101» немесе «2-07-22», нөмірлеріне телефон шалыңыздар, өзіңіздің аты-жөніңізді, мекен-жайыңызды айтуды ұмытпаңыз. Адамдарды, малды көшіру, тұрмыстық заттарды сақтап қалу шараларын қолдана беріңіздер. Өрт сөндірушілер келгенге дейін, өртті қолда бар құралдармен сөндіруге кірісіңіздер.