ЖАҢА АҚПАРАТТЫҚ ЖҮЙЕМЕН

«Қазақстан – 2030» бағдарламасындағы ел Президентінің «ХХІ ғасырда білімсіз өмір сүру мүмкін емес, халықты салауатты да, сауатты өмірге бағыттауымыз керек» деген сөздері бүгінгі ұрпақ, ертеңгі ел азаматтарына білім мен тәрбие берер жандарға міндеттелген тапсырма іспетті. Осыған орай еліміздегі бірден-бір руханият ордасы- кітапхананың алар орны ерекше.

Іле ауданында тоғыз кітапхана аудан тұрғындарына қызмет көрсетеді. Олар: аудандық, Боралдай кенттік және балалар кітапханасы, Ақши ауылдық және балалар кітапханасы, Чапай ауылдық, Қараой ауылды, КазЦИК ауылдық, Ашыбұлақ ауылдық кітапханалары мен Өтеген батырдағы №38 орта мектеп, екі колледж кітапханалары да оқырмандарға мінсіз қызмет көрсетеді.

Аудан бойынша 2010 жылы қаралған қаржы көлемі 18 млн 390 мың теңгені құраса, оның ішінде мерзімді басылымдарға жұмсалатыны – 930 мың тенге көлемінде. Қараой ауылдық кітапханасы жаңа Мәдениет үйінің ғимаратына көшірілді. Аудандағы барлық кітапханалар заман талабына сай жабдықталған. Аудандық кітапханадан Чапай, КазЦИК кітапханаларына кітап сөресі, үстел, орындықтар беріліп, Ащыбұлақ, Чапай, Караой, КазЦИК, Ақши, Боралдай кітапханаларына телефон байланысы орнатылды. Ал Ақши ауылдық кітапханасы компьютермен жабдықталып, барлық кітапханалар кітапхана талабына сай безендірілген.

Іле аудандық ауыл кітапханалары өз жұмыстарын ұзақ мерзімді “Қазақстан – 2030” стратегиялық бағдарламасынан туындайтын, “Салауатты өмір салты”, Елбасы Н.Ә.Назарбаевтың Қазақстан халқына арнаған “ Жаңа онжылдық – жаңа экономикалық өрлеу- Қазақстанның жаңа мүмкіндіктер” атты Жолдауы, “Мәдени мұра”, “Жастар саясаты”, бағдарламасын дамыту, ҚР “Тіл туралы” Заңын басшылыққа алып, және насихаттай отырып, Ұлы Жеңістің 65 жылдығына, Қазақстанның ЕҚЫҰ-ға төрағалық етуіне орай аудан, ауыл кітапханаларында қазіргі заманға сай оқырмандардың ойын ұшқырлайтын кештер, кітап көрмелерін ұйымдастырып, библиографиялық шолулар, дөңгелек үстелдер, әңгіме, шолулар өткізіп, слайдтар көрсетіп, мәдени іс-шараларды өз дәрежесінде атқарады.
Кітапханалардың негізгі мақсаты – әр кезде жарық көрген жақсы шығармаларды көпшілік арасына кеңінен насихаттап, оқырмандардың күнделікті сұраныстар мен талап-тілектерін уақтылы орындау, жаңа түскен әдебиеттермен таныстырып, кітапқа деген құмарлығын арттыру, білімнің көкжиегін кеңейту, оқырманмен жеке жұмыс жасау, ұлттық әдебиетіміздегі ең үздік деген туындыны оқу және насихаттау, рухани мұрамызды сақтау, әрі өнегелілікке тәрбиелейтін әдебиеттерді күнделікті насихаттау.

Аудан бойынша кітап қоры – 138723 дананы, оқырман саны – 9714, келушілер саны -78229-ді құрайды. 2010 жылдың І жарты жылында кітап берілімі -158448, оқырман саны – 9714, келушілер саны – 78229-ді құрады
Аудан, ауыл кітапханаларының жұмысын жандандыру барысында қазіргі заман талабына сай жаңа технологиялық озық үлгілер енгізілуде. Соның бірі жаңа ақпараттық технология – электрондық каталог РАБИС, КАБИС бағдарламасының аудандық, Боралдай кенттік, Боралдай балалар, Чапай, Қараой, Ақши ауылдық кітапханаларына енуіне орай, оқырмандар дәстүрлі каталогтармен қатар электрондық каталогтармен де жұмыс істеуді пайдалана алады. Кітапханаға келуші оқырмандар қажетті кітаптары жайлы ақпаратты кітапханалық РАБИС, КАБИС жүйесіне негізделген іздестіру модулі арқылы тез, әрі жан- жақты қарастырып таба алады. Бүгінде аудандық, Боралдай ауылдық, Боралдай балалар кітапханасы РАБИС, КАБИС бағдарламасы аясында, сканер арқылы қажет мағұлұматтарды компьютерге енгізіп, электрондық каталог арқылы сипаттама жасап, толық текстік база жинақтауда. Қазіргі уақытта аудандық кітапханада “Іле ауданы”, “Өлкетану”, мәліметтер қорын жинақтау жұмысы жалғастырылуда. Күнделікті мәліметтер базасын толықтыра отырып, оқырмандарға іздестірудің электронды каталогы мен Интернет жүйесі ұсынылады. Оқырмандар сұранысын толық қанағаттандыру үшін, кітапханада жоқ немесе аз мәліметтерді Интернет арқылы ҚР Ұлттық кітапханасына шығып сұраныс жасаймыз. Тапсырыс электрондық жүйе арқылы бізге жетеді. Сөйтіп оқырман сұранысын толық қанағаттандыра аламыз. Мұнымен қатар электронды пошта арқылы да аудан мектептеріне байланысқа шығып, сұраныстарына жауап беріп отырамыз.